Сафронков и Лиу: Да се избегне воена интервенција во ситуацијата со Северна Кореја
Заменик амбасадорот на Русија во ОН Владимир Сафронков и кинескиот амбасадор Лиу Џиеи денеска пред Советот за безбедност на ОН изјавија дека воената интервенција не е опција во ситуацијата со Северна Кореја, откако оваа земја ја лансираше својата прва интерконтинентална балистичка ракета.
-Треба да се избегне можноста за воена интервенција за решавање на проблемот на Корејскиот Полуостров, нагласи Сафронков, наведувајќи дека ја поддржува идејата Северна Кореја и Јужна Кореја да почнат дијалог и консултации.
Тој истакна дека е неприфатливо да се прави обид за економско „задушување“ на Северна Кореја и дека санкциите нема да го решат проблемот.
Лиу пред СБ на ОН посочи дека воената акција „не е опција“, додавајќи дека Кина отсекогаш била против хаосот и конфликтот на Корејскиот Полуостров.
Откако Северна Кореја лансираше интерконтинентална балистичка ракета, САД се заканија дека ќе употребат сила „доколку бидат принудени“ со цел да ја прекинат ракетната програма на земјата, меѓутоа САД, исто така, соопштија дека, преферираат глобална дипломатска интервенција, наместо воена операција.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО