САД забележаа нов црн рекорд- над 142.000 новозаразенисо коронавирус во еден ден

САД продолжуваат да поставуваат негативни рекорди во пандемијата на коронавирусот, откако во последните 24 часа се регистрирани 142.279 нови случаи на Ковид 19, најмногу во еден ден од нејзиниот почеток.

Британските медиуми наведуваат дека осми ден по ред САД пријавуваат по повеќе од 100.000 нови инфекции дневно.

Бројот на хоспитализирани пациенти, исто така, расте од ден на ден и синоќа веќе имало 64.939, што е највисока бројка од почетокот на пандемијата.

Во последните 24 часа во САД од Ковид-19 умреле 1.464 пациенти.

Од почетокот на пандемијата во САД се заразени вкупно 10,4 милиони лица од коронавирус и речиси 242.000 од нив умреле.