САД воведоа санкции за Раул Кастро и неговите деца

САД воведоа санкции за Раул Кастро и неговите деца како нов притисок врз Куба поради поддршката кон претседателот на Венецуела, Николас Мадуро.

„Како прв секретар на Вооружените сили на Куба, Кастро е одговорен за поддршката на режимот на поранешниот венецуелски претседател Мадуро преку насилство, застрашување и репресија“, наведе во соопштението американскиот државен секретар Помпео повторувајќи го ставот на Вашингтон дека Мадуро не е легитимен претседател на Венецуела.

Помпео тврди дека кубанските безбедносни сили, во договор со војската на Мадуро и разузнавачките служби, биле вмешани во грубо кршење и злоупотреби на човековите права, вклучувајќи и тортура, пренесе „Ројтерс“.