САД: Русија стационира тенкови во Сирија

Русија распоредила седум тенкови во сириската воздухопловна база во близина градот Латакија, кој важи за упориште на силите лојални на претседателот Башар ел Асад, соопштија денеска неименувани американски официјлани претставници.

Според иситите извори, како што јавија западните медиуми, во базата кај Латакија биле регистиррани седум руски тенкови од типот Т-90, како и неколку топови.

Пред два дена американски неименувани претставници тврдеа дека во базата кај Латакија биле стационирани околу 200 припадници на руската Воена морнарица, како и дека секојдневно се зголемува бројот на припадници на Вооружените сили на Русија во Сирија.

По ваквите информации се огласи и американскиот претседател Барак Обама, кој оцени дека одлуката на Русија да упати воен персонал и опрема во Сирија претставува стратегија која е „осудена на пропаст“.

Според Обама, ваквата постапка на Москва укажува дека Асад е сериозно загрижен за својата позиицја, па затоа се обраќа за помош кон своите руски сојузници.

Шефот на руската дипломатија Сергеј Лавров вчера изјави дека Русија ќе продолжи да и пружа воено-техничка поддршка на Сирија во „борбата против тероризмот“.

- Несомнено, имало испорака на оружје, има и таа ќе продолжи. Таа е пропратена со руски експерти кои помагаат за соодветно опремување и обука (на сириските војници) за ракување со тоа оружје, изјави Лавров за Руската телевизија.

Лавтов нагласи дека Москва најавувала оти ќе им помага на сириските власти, исто како што им помага и на Ирак и властите на други земји, кои се соочени со терористичка закана.