САД: Над 680 лица се уапсени во операции на имиграциските власти

Припадници на американските имиграциски власти уапсија над 680 лица  во изминатите операции. Седумдесет и пет од нив се осудувани за криминал, изјави вчера министерот за внатрешна безбедност на САД, Џон Кели. 

Тој посочи дека криминалните дела извршени од илегалните имигранти варираат од убиство до возење под дејство на алкохол. 

Кели истакна дека операциите се рутински и се спроведувани од американската Служба за имиграциска и царинска контрола.

Американскиот претседател Доналд Трамп на прес-конференцијата вчера со канадскиот премиер Џастин Трудо изјави дека Владата „сторила одлична работа со последните апсења на имигрантите“.