Свет
21. March 2016 - 15:47

САД го отфрлија повикот на Москва за итна средба за прекршувања на примирјето во Сирија

САД денеска го отфрлија повикот на Москва за итна средба заради прекршувњата на тринеделното примирје во Сирија и соопштија дека нивните забелешки веќе се разгледуваат во конструктивен дух, пренесуваат британските медиуми. 

Претходно денеска Русија предупреди дека е подготвена од утре да почне со еднострана употреба на сила против вооружените формации кои системски го прекршуваат примирјето во Сирија, доколку не добие одговор од САД на своите предлози за контрола врз режимот за прекин на огнот. Барањето за итна средба го соопшти началникот на Главната оперативна управа на рускиот Генералштаб, Сергеј Рудскок.

-Ние ги видовме медиумските написи за некакви руски стравувања за прашањето за прекршување на примирјето. Оној што ги дава таквите соопштенија се чини не е добро информиран затоа што овие прашања веќе се разгледуваат и ќе продолжат да се разгледуваат во конструктивен дух, изјави во Женева американски претставник, цитиран од британските меидуми.