САД: Еден загинат и еден повреден во пукотница на студентски кампус во државата Њујорк

Најмалку едно лице загина, а едно е повредено во пукотница во студентско гратче на Универзитетот во Сиракуз, во американската сојузна држава Њујорк, јави телевизијата Еј-Би-Си.

На студентскиот кампус е прогласена тревога и раководството на универизтетот ги повика жителите да останат во своите соби и да не пуштаат непознати лица. Полицијата, исто така, забрани и движење на локалните гробишта каде се случила престрелката.

Во моментот тревогата е отстранета, но на студентите се препорачува да останат внимателни.