Саборот изгласа недоверба на премиерот Тихомир Орешковиќ

Хрватскиот Сабор денеска изгласа недоверба на премиерот Тихомир Орешковиќ, што дефинитивно значи пад на владата што беше формирана од ХДЗ на Томислав Карамарко и на Мост Божо Петров.

Орешковиќ во своето обраќање истакна дека права причина за соборување на неговиот кабинет е што поради заштита на националните интереси почнал да работи на решавање на спорот Ина-МОЛ со арбитража и отпочнал нови преговори, а тоа на некого не му одговарало.

- Не е тајна дека моите ставови околу Ина, ЛНГ и енергетскиот сектор важно се разликуваат од ставовите на некои членови на владата и дека цврсто ги бранев бидејќи длабоко сум свесен за важноста на Ина и за енергетскиот сектор што ја имаат за нашата економија и се борев да ги заштитам нашите витални интереси, посочи Орешковиќ.