Руско МНР: Влезот на Шведска во НАТО и нанесува штета на европската безбедност
Руското Министерство за надворешни работи денеска оцени дека влезот на Шведска во НАТО ќе предизвика значителна штета на безбедноста на Северна Европа и на европскиот континент во целина и предупреди дека Русија ќе биде принудена да преземе одмазднички чекори.
Во соопштението на руското Министерство се наведува дека Русија ќе биде принудена да преземе одмазднички чекори, како воено-технички, така и од друга природа, за да ги запре заканите за нејзината национална безбедност.
„Во овој поглед, многу ќе зависи од специфичните услови за интеграција на Шведска во Северноатлантската алијанса, вклучително и изгледите за распоредување на офанзивниот вооружен систем на овој воен блок на шведска територија“, се наведува во соопштението.
Руското министерство оцени и дека членството на Шведска во НАТО нема да ја зајакне нејзината безбедност, туку ќе доведе до губење на суверенитетот при носењето на надворешно-политичките одлуки.
Шведската влада денеска донесе одлука да поднесе барање за влез во НАТО.
Популарно од Свет
Ново на Сител
-
Муцунски по извештајот на ЕК: До крајот на годинава ќе има реформи во правосудството
-
Проблемот со недостиг на лекови на онкологија ќе се решава со законски измени
-
Тема на денот со Тимчо Муцунски, министер за надворешни работи
-
Трагедија во Тузла
-
Филипче: Остануваме слепо црево на Балканот - Владата нема капацитет да ја води државата
-
Експерти: Критиките на ЕУ за судството и корупција се очекувани, како до позитивни оценки?
-
Македонија се оддалечува од стандардот на ЕУ, нема напредок во клучните економски реформи
-
Влошени прогнозите за инфлација, подобрени за раст на економијата
