Руски пратеници: Аја Софија да се врати на христијанската црква
Пратениците во Руската дума би ја поддржале идејата од Турција да се бара враќање на истанбулската Аја Софија на христијанството, тврди претставник на комитетот на Думата за прашања за имотот.
Пратеникот Сергеј Гаврилов, член на Комунистичката партија, кој е и на чело на меѓупартиската група за заштита на христијанските вредности вели дека тоа би било пријателски чин.
- Очекуваме таков гест од Турција, враќање на Аја Софија на христијанската црква. Русија е подготвена материјално да се ангажира и за реставрација да ги задолжи најдобрите експерти и научници, рече Гаврилов.
Според него, тоа би бил голем чекор со кој, по уривањето на рускиот авион, „Турција и исламот би покажале дека добрата волја е над политиката“.
- Турско-руските односи минуваат низ тест на издржливост, па секоја пријателска иницијатива би била од големо значење. Враќањето на Аја Софија би бил искрен чекор. Ние чекаме, рече Гаврилов.
Аја Софија или Црква на светата мудрост е ремек дело на византиската архитектура и едно од највпечатливите зданија во Истанбул. Изградена е како христијанска црква во шестиот век, за да во 15 век била претворена во џамија со изградба на четири минариња за време на отоманската окупација на градот. Кемал Ататурк ја претвори во музеј во 1935 година.
Ново на Сител
-
За седум дена санкционирани 215 непрописно паркирани возила во општина Центар
-
Италија без Скалвини на ЕВРО2024
-
Казни за 99 возачи на територијата на Прилеп, 39 биле без возачка дозвола
-
Со МО до изборот на нов министер ќе раководи заменик министерот Јајага
-
СП: Декларација на ДУИ е дефокусирање на граѓаните и градење лажна надеж кај нивното членство
-
Српскиот претседател Александар Вучиќ прогласи победа на СНС на локалните избори
-
Сеул го суспендира воениот договор со Пјонгјанг поради провокациите со балони
-
Анкета во Грција: Нова демократија ќе биде убедлив победник на евроизборите в недела