Русија воведе санкции кон Турција

Рускиот премиер Дмитриј Медведев го потпиша декретот со кој Владата воведува низа санкции кон Турција, поради соборување на рускиот воен авион.

Санкциите кои стапуваат во сила на 1. јануари, се однесуваат увоз на низа прехранбени производи од Турција. Во соопштението се наведува дека се забранува на увоз на домати, лук, краставици, карфиол, јаболка, круши, грозје, кајсии. праски, сливи и јаготки, како и поединечни месни производи.

Со документот се забрануваат и чартер летовите кон Турција, а се предвидува и зајакнување на безбендосните мерки на редовните авиолинии.

Со санкциите не е предвиден увоз на лимонот од Турција, како и проектот Турски поток.