Русија уништи складишта за оружје на ИД во близина на Деир Езора

Шест руски бомбардери уништија денеска складишта за оружје на Исламска држава во близина на џихадистичкото упориште во градот Деир Езор во источна Сирија, соопшти денеска руското Министерство за одбрана.

Руски бомбардери Тупољев извршиле напади на југозапад, исток и североисток од Деир Езора, срамнувајќи со земја два командни пункта на ИД, шест складишта со оружје, возила на џихадистите и убивајќи голем број борци.

ИД контролира големи подрачја на градот Деир Езор, како и поголем дел од истоимената провинција, богата со нафта, а исто така се бори со режимските сили за контрола на тамошната клучна воена база.