Русија стави вето на судот за соборувањето на малезискиот „Боинг“
Русија синоќа го искористи своето право на вето и го блокираше усвојувањето на резолуцијата на Советот за безбедност на ОН за формирање на Специјален меѓународен суд, кој би им судел на одговорните за соборувањето на патничкиот авион на „Малезија Ерлајнс“ над источна Украина во јули минатата година.
При гласањето, „за“ усвојување на резолуцијата, иницирана од Австралија, Белгија, Малезија, Украина и Холандија, се изјаснија 11 земји-членки на Советот за безбедност на ОН, Русија беше „против“, а Ангола, Венецуела и Кина се изјаснија како „воздржани“.
Авионот на „Малезија Ерлајнс“ со 298 патници и членови на екипажот, беше соборен на 17 јули 2014 година, за време на летот од Амстердам до Куала Лумпур. Речиси две третини од загинатите патници во авионот беа Холанѓани.
Според истрагата, авионот бил соборен со противвоздушна ракета над територијата што е под контрола на проруските сепаратисти во источна Украина. Киев за уривањето на авионот ги обвинува сепаратистите, додека тие и Москва тврдат дека за инцидентот е одговорна украинската армија.
По гласањето во Советот за безбедност, американската амбасадорка во ОН, Самата Пауер изјави дека руското вето е „скандалозно“, бидејќи со него се блокира обидот „298-те жртви на несреќата да ја добијат правдата“.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ