Русија протестира поради симнување на знамето над Конзулатот во Сан Франциско
Руската амбасада во Вашингтон упати протестна нота до САД откако руското знаме беше симнато од Конзулатот во Сан Франциско.
САД и наредија на Русија да го затвори својот Конзулат во Сан Францско и преземаа контрола врз објектот, поради сомнеж дека тој се користел за шпионски активности. Но, Русија се уште ја смета зградата за своја сопственост и руска територија и бара врз неа да се вее руското знаме.
- На американската страна и врачивме решителен протест поради симнувањето на руските знамиња од нашите објекти во Сан Франциско, кои се под контрола на американските власти. Според нас, тоа е крајно непријателски потег. Бараме руските државни симболи итно да бидат вратени на своето место и ваквото однесување да не се повтори во иднина, соопшти руската амбасада во Вашингтон.
Уште две руски канцеларии во Вашингтон и во Њујорк беа затворени по наредба на американските власти, а Русија, во знак на одговор, им нареди на САД да го намалат своето дипломатско присуство во Русија. Кризата во односите произлегува од инсистирањето на американската Демократска Партија дека Русија била вмешана во претседателските избори во 2016 година и помогнала Доналд Трамп да ја победи Хилари Клинтон.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош