Русија ќе организира свои Зимски параолимписки игри

Откако на руските и белоруските натпреварувачи им беше забрането учеството на Зимските параолимписки игри, кои вчера официјално беа отворени во Пекинг, агенцијата ТАСС јави денеска дека Русија ќе организира свое натпреварување за спортисти со инвалидитет.

Агенцијата, повикувајќи се на анонимен руски извор, наведе дека руските и белоруските параолимпјци ќе се натпреваруваат во Сочи, градот домаќин на Зимските олимписки игри во 2014 година.

– Натпреварувањата на кои ќе учествуваат руски и белоруски спортисти ќе се одржат на олимписките објекти во Сочи. Се разговара за датумите и дисциплините, рече изворот на руската агенција.