Русија и врачи протестна нота на амбасадорката на Холандија
Рускиот министер за надворешни работи Сергеј Лавров соопшти дека денеска и врачил протестна нота на холандската амбасадорка во Москва Рене Џонс-Бoс поради апсењето и протерувањето на руски државјани од Холандија, оценувајќи го потегот како провокација.
Холандските власти минатата недела соопштија дека разоткриле руска хакерска група, кога во април фатиле четворица мажи со шпионска опрема во хотел во близина на седиштето на Организацијата за забрана на хемиското оружје (ОПЦВ).
Русија смета дека апсењето и протерувањето на руските државјани е провокација поради рускиот став во ОПЦВ и противењето работата на таа многу важна меѓународна институција да се политизира, се вели во соопштението на руското Министерство.
-Ваквите чекори на Хаг нанесуваат непоправлива штета на билатералните односи и целата одговорност за тие лаги ја сноси холандската страна, заклучува руското МНР.
Ова е одговор на протестна нота, која холандските власти ја врачија на рускиот амбасадор во Холандија и на рускиот претставник во ОПЦВ Александар Шулгин на 3 октомври, а поради наводите на медиумите за руската вмешаност во кибер нападите.
Ново на Сител
-
Најмалку 18 лица загинаа, а 30 се ранети во три напади на жени бомбаши самоубијци во Нигерија
-
Свечља: Вучиќ ќе биде затворен ако се обиде без дозвола да влезе во Косово
-
ИНСТАТ ја коригираше грешката, на прегледот за пописните резултати напиша Македонци
-
До 14 часот на изборите за нов лидер на СДСМ гласале 28,61 отсто од регистрираните избирачи
-
Мицкоски на средба со Перински и Димитриеска Кочоска: Со ребаланс на буџетот ќе обезбедиме 250 милиони евра за инфраструктурен развој на општините
-
Бериша: Албанија нема повеќе од 1,4 милиони население
-
Од вторник повторно нестабилно време со пороен дожд и грмежи
-
Дачиќ: Синагогата во Белград е можна првична мета на терористичкот напад во Белград