Русија и СЗО преговараат околу можна проверка на руската вакцина
Светската здравствена организација (СЗО) и руските власти разговараат за процес на можно тестирање на безбедноста и ефикасноста на новата вакцина против Ковид-19 одобрена во Русија, соопшти денеска портпаролот на СЗО Тарик Јашаревиќ.
Рускиот претседател Владимир Путин денеска изјави дека Русија станала првата земја во светот што дала регулаторно одобрение за вакцина против Ковид-19 по помалку од два месеци тестирања врз луѓе.
– Ние сме во близок контакт со руските здравствени власти и во тек се разговори за евентуална проверка на безбедноста и ефикасноста на вакцината во рамки на СЗО, но овој процес вклучува ригорозен преглед и проценка на сите потребни податоци за безбедност и ефикасност, рече Јашаревиќ на брифинг на ООН во Женева.
Русија ја нарече својата прва одобрена вакцина против Ковид-19 „Спутник V“ за странските пазари, што е референца на првиот светски сателит и што Москва го смета за свој успех бидејќи е прва земја што ја одобри вакцината, изјави денеска висок официјален претставник.
Ново на Сител
-
ЦУК: Активни осум пожари, под контрола пет и 12 изгаснати
-
Изгаснат пожарот кај делчевско Стар Истевник, на границата со Бугарија
-
Каја Шукова кандидат на СДСМ за градоначалник на Скопје
-
Пожар во стан на ул. „Кочо Рацин“ во Скопје - Седум лица вдишиле чад
-
Папата побара прекин на огнот во Газа за време на телефонски разговор со Нетанјаху
-
Пијан скопјанец отстранет од патот Охрид-Кичево - бил однесен во болница, па во притвор
-
Коњановски ги демантира наводите на социјалните мрежи: Казната ја платив веднаш | ФОТО
-
Рама: Секојдневно се соочуваме со кибер-напади од Иран