Русија и Иран имаат ист став за Сирија
Рускиот министер за надворешни работи Сергеј Лавров ја прифати поканата на иранскиот министер за надворешни работи Мохамед Џавад Зариф да го посети Техеран, јави ТАСС.
На заедничката прес-конференција во Москва Зариф нагласи дека Лавров одиграл мошне позитивна и важна улога во постигнувањето на спогодбата за иранската нуклеарна програма.
Двајцата дипломати нагласија дека Русија и Иран се соочени со заеднички закани и предизвици и изразија увереност дека соработката и дијалогот меѓу двете држави ќе се продлабочат.
Зариф нагласи дека Русија е главен партнер на Иран во нуклеарната сфера и изрази надеж дека двете страни ќе продолжат да соработуваат во областа на користење на нуклеарната енергија за мирни цели, како што е предвидено во спогодбата од Виена за иранската нуклеарна програма.
Лавров и Зариф на прес-конференцијата изјавија дека двете држави имаат заеднички став за Сирија.
- Сиријците треба сами да одлучат за својата судбина и иднина, а странските држави треба да го олеснат тој процес, рече Зариф.
И Зариф и Лавров предупредија дека не треба да се прават обиди однадвор да се диктира решението на сириската граѓанска војна.
Двајцата министри изјавија дека Русија и Иран се договориле за координирање на напорите во борбата против Исламска држава.
Ново на Сител
-
Избрани останатите 10 финалисти на Евровизија
-
Реал и Борусија ќе добијат по 25.000 влезници за финалето на Вембли
-
Албанија и Србија со кандидатура за заеднички домаќин на Европското првенство за млади во 2027
-
Ѓорческа ја елиминира првата носителка на фјучерсот во Трнава
-
Маж нападна жена во Париз и застрела двајца полицајци откако е приведен во полициска станица
-
Макрон и честита на Сиљановска Давкова: Се отвора нова страница кај нашите македонски пријатели
-
ЦУК: Паднато дрво на бул. „Александар Македонски“ во Автокоманда
-
Блинкен: САД се против принудно иселување на Палестинците од Газа