РСБСП со апел: Уживајте во празниците, прославете достоинствено, возете одговорно!
Возете одговорно, патувајте безбедно. Не дозволувајте празничната еуфорија да завладее со вашиот разум и да направете грешки за кои ќе се каете цел живот. Не возете под дејство на алкохол, почитувајте ги правилата за ограничување на брзината. Уживајте во празниците и прославете достоинствено, порача денеска Републичкиот совет за безбедност на сообраќајот на патиштата.
Фактот што се прославува, односно фактот што се дочекува новата година, истакнува РСБСП, не ви дава за право да возете под дејство на алкохол, да бидете агресивни во сообраќајот и да не ги почитувате сообраќајните правила и прописи. Напротив, во вакви услови треба да бидете двојно повнимателни и двојно поодговорни во сообраќајот. Ризикот за учество на неодговорни учесници во сообраќајот за време на прославата на новогодишната ноќ е поголем од вообичаено. Временските услови, поточно ниските температури во доцните вечерни и раните утрински часови ја зголемуваат веројатноста за појава на голомразица на патиштата, а со тоа дополнително се отежнува безбедното одвивање на сообраќајот на патиштата.
-За време на новогодишните празници не го користи својот автомобил ако навистина немаш потреба. Ако пиеш не вози, ако возиш немој да пиеш! Алкохолот и „воланот“ никогаш не одат заедно! Брзината изнудува грешки! Уживај во празниците, уживај во возењето. Почитувај ги правилата за ограничување на брзината, препорачува и советува РСБСП.
Празниците, како што истакнува, се време за уживање. Помини ги во кругот на семејството, уживај во друштво со најблиските. Не дозволувај една грешка, еден непромислен чекор во сообраќајот, веселите празнични денови да ги претвори во нечија семејна трагедија.
Ново на Сител
-
Му кажале дека има биткоини но дека треба да има 200.000 ден. на сметка за да ги подигне, 45 годишен маж измамен во Куманово
-
Повторен конкурс за сместување во студентски домови каде што има слободни места
-
Син ми беше зависник ама се излекува пред да се ожени, сведочеше дедото на Вања
-
Пленковиќ по апсењето на Берош: Ова е чин на предавство
-
ДУИ бара предвремени избори
-
Прекината блокадата на кочанската депонија
-
Саат на Џон Ленон вратен кај Јоко Оно по судски спор
-
На 101 година почина јапонската принцеза Јурико Такаги