Роналдо се врати во Манчестер!

Во неверојатен пресврт од 24 часа, Манчестер јунајтед го потврди  спектакуларното враќање на Кристијано Роналдо на „Олд Трафорд“, откако Јувентус ја прифатил понудата  од 28 милиони евра, а на Португалецот му подготви двегодишен договор.

 

Иако вчера беше сигурно дека Роналдо ќе заврши во лутите градски ривали Манчестер сити, по разговорот на Роналдо со својот стар тренер и „втор татко“, Сер Алекс Фергусон, бил убеден да не направи „предавство“.

 

Според Џанлука ди Марцио од „Скај спорт Италија“, понудата од 28 милиони евра ги исполнува барањата на Јувентус, а Роналдо ќе добива 25 милиони фунти годишно на „Олд Трафорд“ во следните две сезони.