Роналдо и Буфон се сретнаа со две деца од Албанија што го преживеаја земјотресот
Албанскиот премиер Еди Рама им приреди вистинско изненадување и ретко доживување на Арелин и Алесио, деца од Туман, едно од најпогодените места од катастрофалниот земјотрес, кои скокнаа од тераса за да се спасат.
Откако беа пуштени од болница, по закрепнувањето од повредите и претрпениот шок, Рама двете деца ги однесе во Торино, каде веќе договорил средба со фудбалерите на Јувентус, Кристијано Роналдо и Џанлуиџи Буфон.
Децата, на чија радост и немало крај, добија и по еден убав спомен, маици со потпис од двајцата фудбалери, кои и овој пат потврдија дека иако се ѕвезди сепак се спортисти со големо срце.
Рама во видео снимката им се заблагодари на фудбалските ѕвезди и додаде дека ова е од големо значење, не само за децата, туку и за целата држава.
Тој исто така им објасни на двајцата фудбалери за земјотресот, кој ја погоди неговата земја утрото на 26 ноември и целата ситуација предзвикана од силниот потрес од 6,4 степен според Рихтеровата скала.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка