Романскиот премиер Гриндијану нема да поднесе оставка
Романскиот премиер Сорин Гриндијану на седница на Националниот извршен комитет на владеачката Социјалдемократска партија (СДП), изјави дека нема да поднесе оставка, пренесе Аџерпрес.
-Во последните 20 години сме немале поагресивна кампања од оваа, која се води во последниов месец од страна на некои колеги, посочи премиерот.
Националниот извршен комитет на СДП денеска е свикан за да се реши судбината на кабинетот на Гриндијану.
Според романските медиуми, лидерот на СДП Ливиу Драгна планира да ја собори својата влада само половина година по нејзиното стапување на должноста.
Медиумите тврдат дека лидерот на социјалдемократите се закнаил со повлекување на политичката поддршка за владата затоа што бил незадоволен од забавувањето на мерките од програмата за владеење.
Пред седницата Ливиу Драгна изјави дека од никого не барал и нема да бара оставка, но додаде дека „така веќе не може да се продолжи“.
Дел од социјалдемократите, вклучувајќи го и поранешниот премиер Виктор Понта, како и организацијата на СДП во округот Јаш, меѓутоа, изјавија дека ќе продолжат да ја поддржуваат владата на Гриндијану.
Истовремено, помалиот коалициски партнер на СДП - Алијансата на либерали и демократи (АЛДЕ), денеска одлучи да ја повлече својата политичка поддршка за премиерот Сорин Гриндијану, соопшти лидерот на партијата Калин Попеску Таричану. Тој, исто така, кажа дека министрите од неговата партија се подготвени да поднесат оставка.
Ново на Сител
-
Рокас: Корупцијата е голем предизвик за земјата, потребна е забрзана промена за постигнување на реформите
-
Министерство за здравство: Се залагаме за брзо расчстување на случајот со земање мито
-
Кирков: Продолжува хоророт во скопската Зоолошка градина, погинаа две лами од редок вид
-
До средината на мај сите училишта во Кисела Вода ќе имаат фотоволтаици
-
Собраниската Комисија за здравство се сретнала со дел од членовите на Кризниот штаб за Кочани
-
Украдено службеното возило на градоначалникот на Аеродром
-
Во болниците во земјава се лекуваат седум пациенти од повредените во Кочани, во странство остануваат 64 пациенти
-
Приведени две лица за примање поткуп и награда за противзаконито влијание