Романската премиерка Виорика Данчила во посета на Македонија

Претседателката на Владата на Романија Виорика Данчила денеска ќе престојува во официјална посета на Република Македонија. 

Во рамки на посетата, Данчила ќе има средба со премиерот Зоран Заев и владина делегација во Владата на Република Македонија.

Пред платото на Владата во 12 часот ќе биде организиран официјален, свечен пречек на романската владина делегација предводена од премиерката Данчила.

Заев и Данчила ќе остварат официјална тет-а-тет средба, по што ќе следува и билатерална средба на делегациите на двете влади. 

Романската премиерка ќе се сретне и со претседателот на Собранието на Република Македонија Талат Џафери.