Рома убедлива на гостувањето кај Беневенто

 

Екипата на Рома ја оправда улогата на фаворит во дуелот против дебитантот во Серија А, тимот на Беневенто со победата од 4:0.

 

Во натпреварот од 5.коло на италијанското првенство Рома до победата стигна благодарение на двата гола на босанскиот репрезентативец Един Џеко (20 и 52.минута), како и двата авто-гола на домашните фудбалери Лучиони и Венути (35 и 74).

Сега Рома има девет бода од четири натпревари, а Беневенто остана закован за дното на табелата без ниту еден освоен бод и гол-разлика 1 постигнат и дури 14 примени голови.

Вечерва се играат преостанатите осум меча, од кои ги издвојуваме дуелите меѓу шампионот Јувентус и Фиорентина, како и средбата во Рим каде Лацио го пречекува Наполи.