Рок легендата Иан Гилан во Скопје

 

Рок легендата Иан Гилан доаѓа во Скопје со уникатен концерт со песни од Дип Парпл, придружуван од бендот на Дон Аиреј и Македонската филхармонија.

 

Со концертот на Иан Гилан, придружуван од бендот на Дон Аиреј и Македонската филхармонија, под диригентство на Стефан Бентли Клеин, на 5 ноември во ВИП Арената во Скопје „Авалон Продукција“ ја затвора светската концертна сезона 2016 во Скопје.

 

Фронтменот на Дип Парпл, како што е најавено, пред македонската публика ќе ги изведе „Smoke On The Water“, „Black Night“, „Perfect Stranger“ и други песни на групата. Специјални гости на концертот ќе бидат Папа Ле Гал.

 

Иан Гилан активно настапува и само минатата година има одржано настапи во 48 земји, со групата Дип Парпл и како соло изведувач.