РК Металург вечерва „брани“ два гола предност против Кринс

Предноста од Скопје која треба да се одбрани изнесува скромни два гола но во македонскиот тим се уверени дека квалитетот е на страна на Металург и ќе успеат да го продолжат походот кон групната фаза. - Верувам во овие момци и се надевам дека овие два гола ќе ги одржат будни, фокусирани и на ниво во реваншот, бидејќи пласманот во групната фаза го издигнува Металург како клуб на европско ниво, а ќе значи и нивна афирмација и презентација како играчи, кои преку мечевите во Лигата на Европа ќе можат на голема сцена да ги демонстрираат своите квалитети и можности“, вели стратегот на Металург Зоран Кастратовиќ.