Ристовски и Мишевски се враќаат во Вардар

Тренерот на РК Вардар, Стевче Алушевски денеска на прес-конференцијата по мечот од ЛШ против Монпелје ги разреши дилемите за шпекулациите кои кружеа околу засилувањето на „црвено-црниот“ табор со Борко Ристовски и со Марко Мишевски.

 

Репрезентативен голман се враќа по долгата европска авантура, а младиот бек кој минатото лето замина во Гренобл, Франција пак се враќа во старото јато.

 

„Од понеделник во тимот на тренинг ќе ги имаме Борко Ристовски и Марко Мишевски. Мишевски е играч кој може да го имаме во ротацијата. Борко исто така ќе ни се приклучи на понеделничкиот тренинг. Тоа е тимот што ќе го имаме до крајот на сезоната и во Лигата на шампионите и во домашното првенство“ – истакна Алушовски.

 

Борко Ристовски последен пат во Вардар настапуваше во 2012 година. Тогаш направи трансфер во германски Гумерсбах, по што следуваа настапи за Кретеј, Рајн-Некар, Барселона и португалска Бенфика.