Ристоски: Бугарија и Естонија се фаворити во Варна, но не бегаме од одговорност

На почетокот никој не очекуваше ваков резултат особено што исто како и лани без ниту еден контролен дуел се почна натпреварувањето.

- Во овие 1,5 месец нашата репрезентација која беше редуцирана имаше своја физиономија и добар изглед. Резултатот можеби стигна и порано од очекуваното. На стартот бевме резервирани, но одигравме со срце на сите натпревари. Никој не веруваше, но желбата да се повтори успехот од лани донесе резултат. За заврпниот турнир можам да кажам дека Бугарија е ќе биде многу силна (ќе игра и на домашен терен) и не го кажала последниот збор во Европската лига. Покрај нив таму фаворит е и Естонија. Ние не бегаме од одговорноста и секоја шанса ќе ја искористиме бидете сигурни, изјави селекторот на Македонија Жарко Ристоски по вториот триумф над Бугарија.