Рио 2016: Кошаркарките на Турција преку Бразил се пласира во четвртфиналето

Женската репрезентација на Турција со победата над домаќинот Бразил се избори за место во четвртфиналето на олимпискиот кошаркарски турнир.

Турчинките славеа победа над Бразилките по продолжението со 79-76 откако регуларниот дел заврши нерешено 60-60. Со тоа Турција го освои четвртото место во А групата од која меќу осумте најдобри ќе играат и Австралија која во последното коло ја победи Белорусија со 74-66, како и селекциите на Јапонија и Франција чиј синоќешен меѓусебен дуел заврши со победа на Јапонките од 79-71.

Од групата Б сигурни патници во четвртфиналето се САД, Шпанија и Канада, додека за последното место кое води во разигрувањето ќе се борат Кина, Србија и Сенегал.