РГ: Мареј и Вавринка во полуфинале

Енди Мари и Стан Вавринка ја формираа првата полуфинална двојка на машкиот дел од вториот Грен слем во сезоната, Ролан Гарос.

 

Вториот носител Мари не блеска на годинешното издание на Ролан Гарос, но и со таква неубедлива игра успеа да се пласира во полуфиналето. Британецот досега одигра пет меча во Париз, на три од нив го губеше првиот сет, но успеваше да победи.

 

Во четвртфиналето, Мари за речиси три и пол часа игра, славеше над домашниот тенисер Ришар Гаске со 3-1 (5:7, 7:6, 6:0, 6:2).

 

За разлика од Мари, бранителот на титулата, Стан Вавринка, на последните два меча делувше убедливо против своите конкуренти. Во четвртфиналето Швајцарецот го декалсира Алберт Рамос-Винолас 6:2, 6:1, 7:6.