Реставрација на објекти од културата во Тетово

Преку проектите за зачувуваање на културното наследство нови подрачја и објекти во тетовско годинава се најдоа на листата на министерството за култура со што ќе се обезбеди нивна обнова и заштита. 

Конзервација и рестварација  како и пренамена ќе се врши на еден локалитет и еден објект од османлискиот период.

-Со археолошки истражувања, конзервација, рестарација, оваа година ќе се пристапи на реализација на Лешочкото Кале. Имаме уште еден значаен проект, кој што е споменик на култура. Тоа е Алимбегова куќа, која куќа како споменик на култура ќе биде целосно реставрирана и промовирана во музеј, вели министерката за култура Елизабета Канческа Милевска.

Во градот Тетово фокусот е на неколку инфраструктурни проекти, потенцира  министерката за култура.

-Во моментов се гради нов театар и простор за библиотеката, која што ќе се смести во новиот објект. Во центарот за култура во Тетово се завршија фасадата на објектот, ентериерот. Стариот амам е целосно завршен. Нешто што оваа година ќе се реализира како проект е поврзување на шарената џамија со амамот со еден мост,   вели министерката за култура Елизабета Канческа Милевска.

Министерството започна проект и за реконструкција на конаците во Лешочкиот манастир.