Република Српска усвои одлука за казни за објавување лажни вести и ширење паника
Владата на Република Српска денеска усвои одлука за казнување за објавување лажни вести и за предизвикување паника за време на вонредната состојба воведена поради новиот коронавирус.
Министерот за внатрешни работи на РС, Драган Лукач изјави дека за време на вонредната состојба се забранува објавување лажни вести и тврдења кои предизвикуваат паника и сериозно го нарушуваат јавниот ред и мир или го попречуваат спроведувањето на мерките.
Лукач рече дека ова се однесува на „пренесување лажни вести преку средствата за јавно информирање и социјалните мрежи, бидејќи таквите лажни информации можат да предизвикаат сериозни последици“.
За физички лица и одговорни лица во правно лице е предвидена казна од 1.000 до 3.000 конвертибилни марки, а за правни лица казна од 3.000 до 9.000 конвертибилни марки.
– Оние што шират лажни вести преку социјалните мрежи не можат да се скријат, властите на Министерството за внатрешни работи ќе ги откријат, рече Лукач.
Тој најави дека полицијата на РС веднаш ќе почне со спроведување на мерките, дека ќе бидат сослушани лицата кои шират лажни вести и ќе се утврди дали имале намера да предизвикаат паника.
Ново на Сител
-
Петрушевски: Трошоците за храна и пијалоци се намалени за 1000 денари,мерките даваат резултати
-
Производството на тутун помало од очекуваното поради неповолните временски прилики
-
По Скопје Охрид е втор град привлечен за градежниците
-
Преглед на вестите од светот
-
Тема на денот со Ана Каранфилова Мазневска, раководител на сектор за отпад
-
Мицкоски: Бугарскиот парламент да го ратификува пристапниот договор па потоа уставни измени
-
Мицкоски: Да не се врши притисок врз Уставен
-
Анализа: Што ќе се случува со ЗЕЛС ако општините продолжат да ја напуштаат организацијата?