Рение: ЕК нема намера да забрани ниту една онлајн платформа
Европската комисија воопшто нема намера да забрани која било онлајн платформа, изјави денеска портпаролот на Европската комисија за технолошки суверенитет, одбрана, Вселената и истражување, Тома Рение во одговор на прашање дали ЕУ размислува за суспензија на Икс и ТикТок.
– Сакаме да увериме дека бизнисите и граѓаните во Европската Унија може да ги користи сите платформи, доколку, се разбира, се усогласени со законодавството. Доколку има потенцијално прекршување, имаме соодветен механизам (за реагирање) и има чекори што треба да се поминат пред да се донесе каква било одлука, рече Рение.
Тој потсети дека во моментов во тек се неколку истраги на ЕК против некои онлајн платформи за можноста за прекршување на Законот на дигитални услуги на ЕУ и откако тие ќе завршат ќе бидат проценети сите различни можности што и стојат на располагање на Комисијата.
Рение истакна дека како крајна можност, ЕК може и да побара од надлежните институции на земјите членки на ЕУ привремено да суспендираат некоја платформа.
– Тоа е крајно средство, но немаме намера да одиме толку далеку, рече Рение, додавајќи дека постојат многу други механизми, пред да се дојде до одлука за суспензија на некоја онлајн платформа.
Ново на Сител
-
Кремљ: Путин прифати средба со Трамп
-
Казнети 46 возачи на електрични тротинети
-
Уапсени двајца возачи, возеле со по 1,93 и 1,59 промили алкохол во крвта и предизвикале сообраќајни незгоди
-
Лишени од слобода две лица во скопско Рашче, пукале на свадба
-
Билки штетни за во спалната соба
-
Зидан ќе ја предводи Франција по СП 2026
-
Четвртфинале за младиот македонски тенисер Алексовски
-
Македонија домаќин на Светско училишно првенство во ракомет 2026