Ремонтирани два хеликоптера на АРМ
Првите два хеликоптера од составот на Воздухопловната бригада на Армијата на Република Македонија кои минатата година беа испратени на ремонт денеска беа ставени во функција на АРМ.
На свеченоста во Касарната „Страшо Пинџур“ во Петровец министерот за одбрана Зоран Јолевски пред присутните единици порача одека ова се првите резултати од најавената модернизација на Армијата на Република Македонија во однос на Воздухопловната бригада.
- Овие хеликоптери се првите од предвидените десет кои ќе се ремонтираат во периодот од две години за кои Владата на Република Македонија одвои доволно финансиски средства. На почетокот на оваа есен и до крајот на годинава ќе имаме уште четири ремонтирани хеликоптери. Со овие преземени чекори на Министерството за одбрана и Армијата на Република Македонија, борбената готовност на Воздухопловната бригада ќе се зголеми, а со тоа ќе се овозможи АРМ уште подобро и посигурно да ја извршува својата функција, да биде гарант за територијалниот интегритет и суверенитет на Македонија, рече Јолевски.
Тој додаде дека заедно со ремонтот на хеликоптерите, истовремено на обука беа пратени и стручни лица кои се здобија со сертификати и кои во иднина ќе ги одржуваат овие воздухоплови.
Според командантот на Воздухопловната бригада, полковник Роберт Малезански овие зафати кои се случуваат во воздухопловната бригада ќе придонесат во извршувањето на мисијата и задачите на бригадата. Тој додаде дека овој започнат процес на ремонтирање на воздухопловите ја зголемува кредибилноста на АРМ како фактор на одвраќање закани по безбедноста на Република Македонија.
Процесот на ремонтирање на хеликоптерите е дел од процесот на модернизација на АРМ која започна со формирањето на интегрираните проектни тимови во ноември 2014 година.
Ново на Сител
-
Владата не дава 100 евра по жител, пораките се лажни!
-
Смртни закани и за градоначалникот на Кавадарци
-
Статус кво на токсикологија - Догороворците си одат на работа, ДСЗИ ќе врши надзор неделава
-
Епидемијата со голема кашлица не стивнува
-
Жителите на прилепско Оревоец на Суд ќе ја бараат правдата
-
Во Скопје има 180 пожарникари, а потребни се над 450 - Подобри услови ќе бараат од новата Влада
-
Преглед на вестите од светот
-
Европската комисија повикува на почитување на Преспанскиот договор