-->
-->
Рекорден раст на новозаразени со коронавирус во Сиднеј
-->
Најголемиот град во Австралија, Сиднеј, забележа рекорден дневен раст на нови инфекции со коронавирус. Во последните 24 часа, регистрирани се 239 нови случаи – највисок број од почетокот на пандемијата.
Главната причина за комплицираната епидемиска ситуација е новата, делта-варијанта на вирусот. Поради таа причина, австралиските власти ги зголемија овластувањата на полицијата, што им овозможува да ги затвораат продавниците што не работат во согласност со анти-епидемиските мерки.
Повеќе од два милиони жители во осум жаришта во Сиднеј сега ќе треба да носат маски на отворено и не смеат да бидат повеќе од 5 километри оддалечени од своите домови. Сиднеј е во петтата недела од продолжената деветнеделна блокада, која треба да заврши на 28 август. Сепак, продолжува ширењето на многу заразна варијанта Делта, јавија локалните медиуми. Еден ден порано, државата Нов Јужен Велс информираше за вкупно 177 нови случаи на коронавирус. Сиднеј, дом на една петтина од 25-те милиони жители на Австралија, се бори со најлошиот бран на пандемијата оваа година, продолжувајќи го заклучувањето за уште еден месец од вчера. Досега се идентификувани повеќе од 2800 случаи, а 182 лица се хоспитализирани, 54 се на интензивна нега. Пријавени се два нови смртни случаи, со вкупно 13 смртни случаи во последниот бран.
-->
-->
-->
Ново на Сител
-
Шеснаесет години од бродската несреќа во Охридското Езеро
-
Песков: Странски воени сили не може да бидат гаранција за безбедноста на Украина
-
За вечерва закажан голем стуентски протест во Нови Сад
-
ЦУК: Осум пожари на отворено - седум изгаснати, еден под контрола
-
Продолжува судењето против поранешниот директор на Онкологија и тројца онколози
-
Доделување на државната награда „8 Септември“ за 2025 година
-
ОДИХР почнува со следење на локалните избори
-
УНИЦЕФ: „Незамисливото“ во градот Газа веќе се случува