Реконструкција на патот село Очипала – село Драмче, Делчевско

Денеска започна реконструкцијата на патниот правец село Очипала – село Драмче, Делчевско, во должина од 2, 6 километри и со вкупна вредност од 18 милиони денари, обезбедени од Агенцијата за поддршка на руралниот развој и Општина Делчево.

Градоначалникот Дарко Шехтански кој беше на увид на градежните работи, истакна дека реконструкцијата на овој патен правец е од големо значење за жителите кои живеат во овој дел и за сите кои имаат имот на територијата на Драмче.

- Средствата во висина од 15 милиони денари се обезбедени од Владата на РМ, преку Агенцијата за поддршка на руралниот развој, додека околу 3 милиони денари се обезбедени од буџетот на Општина Делчево.Реконструкцијата ги опфаќа најоштетените делови од овој патен правец, а според проектот планирано е и негово проширување, рече Шехтански.

Градежните зафати на патниот правец треба да завршат за еден месец.