Реконструкција на кривипаланечкото училиште „Илинден"

- Комплетно се реновирани преостанатите, четири санитарни јазли во западното крило, со вкупна површина од 130 метри квадратни. Поставени се нови плочки, санитарии и заменета е старата дотраена столарија. Вредноста на тендерот е 1,6 милиони денари, средства од сопствениот буџет на училиштето. Периодов се работи на реновирање на гардероберите во училишната сала во подрачнито објект во село Конопница и се репарира дел од спортската сала во Мождивњак, изјави директорот на ООУ „Илинден“ Оливер Дејановски.

 

Од понеделник ќе бидат реконструирани и санитарните јазли во постојната спортска сала на централнито училишен објект, а подоцна, се очекува да се изврши и реновирање на салата.

 

- Тековно се вршат неопходните подготовки за претстојната учебна 2017/2018 година во која се запишаа вкупно 74 првоодделенци. Бројот е намален за речиси 30 во однос на минатата година кога настава во четирите објекти на Илинден посетуваа 102 првачиња. Се надевам овој тренд ќе се промени, а белата чума нема да зема замав, информира Дејановски.