Реконструиран делот на „Ленинова“ од „Партизански одреди“ до „Орце Николов“

Општина Центар започна со третиот дел од реконструкцијата на улицата „Ленинова“, во должина од 310 метри, на потегот од булеварот „Партизански одреди“ до улицата „Орце Николов“.

Како што соопшти Општина Центар, се вади тампонскиот материјал и се вградува нов тампонски слој. Ќе се постави нов асфалт на цела должина на коловозот, на површина 4.500 м2 и нова атмосферска канализација, која ќе ги прифати атмосферските води од улицата,  во должина од 160 метри.

По комплетирање на третата фаза, општина Центар ќе ја реконструира улицата „Ленинова“ и на потегот од булевар „Партизански одреди“ до Клубот на пратеници.