Регистриран прв случај со коронавирус во Берово
Во Берово е регистриран првиот случај со Ковид-19, информираше денеска градоначалникот Звонко Пекевски, кој истакна дека надлежните служби ги преземаат сите мерки, со цел да не се дозволи натамошно ширење на вирусот во градот.
-Како општина, спроведовме повеќе мерки во интерес на заштитата на јавното здравје и сме во секојдневна координација со институциите, но од исклучитална важност, е улогата на секој од нас. Од нас се бара, најсериозно да ги сфатиме и почитуваме мерките и препораките на Владата и Светската здравствена организација. Посебно, да ја почитуваме мерката, со која се забранува собирање во групи, во паркови и на други јавни места. Воедно сакам да упатам апел, до сите граѓани, да не се крева паника и притоа ги повикувам на смирено и разумно однесување, истакна Пекевски.
Посебен апел упати до сите малопродажни објекти, маркети и сите компании, кои вршат дејност, да посветат големо внимание кон придржувањето до пропишаните мерки на заштита.
-Со тоа не само што ќе се заштитат вработените, туку и самите клиенти, а со тоа и самите ние. Берово и неговите граѓани, во огромен процент се придржуваа на мерките и затоа бевме една од општините во кои досега не беше регистриран вирусот. Верувам дека со доследна почит на сите мерки, ова ќе остане изолиран случај и ќе останеме без други заболени, додаде Пекевски.
Од општините во крајниот Исток единствено Македонска Каменица е општина каде досега нема регистриран случај со Ковид-19.
Ново на Сител
-
Татко ја пријавил за исчезната малолетната ќерка, таа се јавила од Косово
-
Криминалци со пиштоли влегле во фирма за брзи кредити и украле 5000 евра
-
Мицкоски иницира изготвување стратегија за државата во соработка со МАНУ, ја повика опозицијата заеднички да носат одлуки
-
Утре во Брисел нова рунда од дијалогот Белград-Приштина
-
Димитриеска-Кочоска: Растот на економијата следната година над 3,5 отсто, се темели на инвестиции
-
Мицкоски по повод 23 Октомври: Да не го губиме времето на поделби, туку да создадеме општество на можности и почит
-
Мисајловски: Со почит се сеќаваме на револуционерите, Македонија заслужува да биде развиена, прогресивна и безбедна
-
Голем интерес за вакцинација против сезонски грип, досега пријавени над 52 000 лица