Редовен октомвриски самит на лидерите од ЕУ
Лидерите на ЕУ 27 денеска и утре ќе одржат во Брисел редовен октомвриски самит на кој ќе разговараат за зголемувањето на цените на енергенсите, забрзување на вакцинацијата против Ковид-19 во Европа, владеење на правото во Полска, односи со ЕУ со партнерите во источното соседство, зајакнување на улогата на ЕУ во меѓународната трговска сцена и политиката за миграција и азил.
Во пресрет на овој самит во Брисел, тие најавуваат дека ќе биде 107. и веројатно последен самит на кој канцеларката Ангела Меркел ќе ја претставува Германија.
Самитот на лидерите на ЕУ почнува денеска во 15 часот со работна сесија посветена на актуелното поскапување на енергенсите, што е предизвик за постпандемиското закрепнување и сериозно ги погодува европските граѓани и компании.
„Ќе разгледаме што може да се направи на ниво на ЕУ и на национално ниво, и во однос на краткорочното олеснување за најранливите и среднорочните и долгорочните мерки“, изјави претседателот на Европскиот совет, Шарл Мишел.
Во писмото со покана до лидерите на ЕУ, Мишел посочи дека пандемијата Ковид-19 „се уште не е завршена и дека бројките се зголемуваат во неколку земји-членки“.
Октомврискиот самит на ЕУ завршува утре со дискусија за европската дигитална трансформација, што, според Европскиот совет, е клучен двигател на економскиот раст, создавањето работни места и конкурентноста.
Ново на Сител
-
Млад кочанчанец врзан со селотејп на скопскиот плоштад праша „Толку ли брзо не заборавивте“
-
Васил призна вина, родителите на Фросина бараат максимална казна
-
Крвава вечер во Штип: Убиство во кафуле, обид за бегство низ наплатна рампа
-
Најголема воена парада досега во Москва
-
Јубилеј 80 години од победата над фашизмот
-
Новиот папа Лео 14-ти ја отслужи својата прва миса како водач на Католичката црква
-
Ставревски и Славевски најсериозни кандитати за иден гувернер на Народната банка
-
Генералка викенд – почна најмасовната акција за собирање на отпадот