Реал Мадрид втор финалист во Евролигата

Екипата на Реал Мадрид успеа да се избори за уште едно финале во Евролигата откако вечерва во Атина во вториот полуфинален дуел ја совлада Валенсија со 105:90 (26:28; 28.36; 24:17:19:17). Во финалето во недела ќе играат против Олимпијакос, а почетокот на натпреварот е во 20 часот.

Шпанските екипи го одиграа најефикасното прво полувреме во полуфинале во Евролигата (62:56). Голем проблем за тимот од Мадрид може да биде повредата на центарот Усман Гаруба. Најефикасен играч на дуелот беше Марио Хезоња со 25 поени.

Кошаркарите на Реал Мадрид во текот на целото второ полувреме имаа водство и заслужено се изборија за своето 22 финале и ќе се борат за 12.титула европски првак.

Нивниот противник Олимпијакос има три титули, а ќе го играат своето десетто финале.

Двете екипи досега имаат одиграно четири финални натпревари, Реал Мадрид има три победи (1995, 2015 и 2023), а Олимпијакос една победа во финале во 2013 година, кога ја освои и последната титула европски првак.

МИА