Раст на инфлацијата во ЕУ во мај 2024 на месечно ниво
Годишната стапка на инфлација во Еврозоната минатиот месец изнесуваше 2,6 отсто, што претставува раст за 0,2 процентни поени во однос во однос на априлските 2,4 проценти, додека на ниво на цела ЕУ таа достигна 2,7 отсто или за 0,1 процентен поен повеќе во однос на април 2024 кога изнесуваше 2,6 проценти, соопшти денеска Европската статистичка агенција – Евростат.
Како што јави дописникот на МИА од Брисел, лани во мај стапката на инфлација во Еврозоната изнесуваше 6,1 отсто, а во цела ЕУ – 7,1 проценти.
Највисока годишна стапка на инфлацијата во мај годинава е регистрирана во Романија од 5,8 отсто, пред Белгија од 4,9 и Хрватска од 4,3 проценти.
Од друга страна во Летонија мајската стапка на инфлација била нула проценти, по што следуваат Финска со 0,4 и Италија со 0,8 отсто.
Во споредба со април годинава, мајската стапка на инфлација на годишно ниво е намалена во 11 земји од ЕУ, таа остана непроменета во две, а е зголемена во 14 членки на Унијата.
Најголемо влијание на растот на годишната стапка на инфлација во мај имаа услугите кои поскапеа за 1,83 процентни поени, пред храната, алкохолот и тутунот чии цени се зголемија за 0,51 процентни поени и неенергетските индустриски стоки и енергијата, за кои трошоците пораснале за 0,18, односно 0,04 процентни поени.
Ново на Сител
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото