Раст на цените на нафтата на светските берзи, петта недела по ред
Цените на нафтата на светските берзи минатата недела повторно се зголемија, петти пат по ред, бидејќи се очекува натамошен пад на производството, додека побарувачката за нафта треба да се зголеми бидејќи многу земји ширум светот водат економска активност, со оглед на забавувањето на ширењето на коронавирусот.
На лондонската берза цената на барел за испорака во август минатата недела се зголеми за 7,7 проценти на 37,84 долари, додека на американскиот пазар барелот се зголеми за 6,7 проценти на 35,49 долари.
Во последните пет недели, цените на нафтата значително се зголемија бидејќи многу земји ги олеснија воведените рестриктивни мерки за спречување на ширењето на коронавирусот, така што економската активност се зголемува и побарувачката за нафта се зголемува.
По големиот пад во март и април поради парализа на економската активност поради кризата со корона, цената на барелот на американската берза во мај скокна за 88 проценти, што е рекорден месечен скок, додека цената на барел на лоноднската берза се зголеми за 40 проценти, најмногу од март 1999 година. .
Побарувачката за гориво е сè уште слаба, и покрај укинувањето на ограничувањата за патување, наметнати во многу земји за борба против пандемијата на коронавирус, велат аналитичарите.
Но, производството опаѓа, како што беше потврдено, меѓу другото, со едномесечен пад на бројот на активни бушотини за нафта во САД.
Од почетокот на мај, во сила е договорот меѓу Организацијата на земји извознички на нафта (ОПЕК) и независните производители предводени од Русија за најголемо намалување на производството во историјата, за 9,7 милиони барели на ден.
Редовната средба на ОПЕК и нејзините сојузници е закажана за втората недела од јуни. Саудиска Арабија и некои членки на ОПЕК размислуваат да го продолжат договорот за намалување на производството до втората половина од годинава, но сè уште не добиле руска поддршка.
Инвеститорите минатата недела се фокусираа на тензиите меѓу САД и Кина, откако кинескиот Парламент во четвртокот го донесе законот за национална безбедност во Хонг Конг, како одговор на минатогодишните големи протести во поранешната британска колонија.
Ново на Сител
-
Кражба во црквата “Св. Спас” во Сопиште, приведени двајца скопјани
-
САД повеќе не препорачуваат вакцини против Ковид-19 за бремени жени и здрави деца
-
Меџити: Таравари и Ахмети предвиделе се, но не и дека ќе го исфрлиме од ВЛЕН и од Владата
-
Критичарите на Ердоган се сомневаат во неговите намери за нов устав на Турција
-
САД ги предупредија своите граѓани да не патуваат во Венецуела
-
Најмалку петмина загинати во големата експлозија во хемиска фабрика во источна Кина
-
Oбвинителен акт против десет лица за продажба на кокаин и марихуана
-
Митева: За првпат во историјата научните бази Web of Science и Scopus стануваат бесплатни