Расчистен случајот со нападот на полициските службеници во Тетово
Во полициската станица во Тетово вчера околу 15 часот и 30 минути се самопријавил 17-годишниот малолетник кој е последниот четврти учесник во групата што минатиот четврток нападна четворица полицајци при што двајца од нив се здобија со тешки телесни повреди.
Како што информираше денеска портпаролот на СВР Тетово Марјан Јосифовски, малолетникот, инаку син на И.И.(40) и внук на А.И.(69) кои исто така учествувале во нападот на полицајците, е осомничен за соизвршителство во напад на службено лице при вршење работи на безбедноста и ќе биде изведен пред судија за малолетници во Основниот суд во Тетово.
За истото дело осомничен е и Е.Ј.(36), кој беше приведен уште минатиот петок, додека А.И. (69) кој е осомничен за убиство во обид и И.И. (40) кој е осомничен за напад на службено лице при вршење работи на безбедноста сами се пријавија во полиција пред два дена. За овие три лица судија во претходна постапки им определи мерка притвор од 30 дена.
Нападот врз полицајците се случи минатиот четврток во Тетово при нивен обид да го уапсат И.И. (40) како правосилно осуден на затворска казна од една година. На тоа се спротиставил неговиот татко А.И. (69) кој со железна шипка ги нападнал полицајците при што двајца од нив се здобиле со тешки телесни повреди по главите и телата, а во мешаницата што настанала уште двајца биле полесно повредени. Двајцата тешко повредени полицајци од тетовската болница како итни случи беа препратени на скопските клиники каде врз еден од нив беше извршен хирушки зафат и тој се уште е задржан на болничко лекување.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Тема на денот со воениот аналитичар Милан Стефаноски
-
Наместо во подземни контејнери штипјани сметот го одлагаат врз нив
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата