Рама обвини дека ДП била финансирана од Русите, за Баша руската опасност доаѓа од Рама
Албанскиот премиер Еди Рама реагираше по пишувањето на американското списание „Мадр Џонс“ дека лобирањето на албанската опозициска демократска партија го финансирала руска компанија, што го пренесоа и албанските медиуми.
Тој упати критики на адреса на опозициската Демократска партија, која „Русите ја финансирале за време на последните избори“.
- Оваа историја не може така да се затвори. Барам од Јавното обвинителство да покрене обвинение, со цел целосно расветлување, напиша Рама на својот профил на Фејсбук.
Според албанските медиуми, кои се повикуваат на „Мадр Џонс“, поранешниот офицер на КГБ, Евгениј Шерементјев преку наводно непостоечка компанија „Биниата Транде“ во САД уплатил милион долари на сметката на американскиот лобист Ник Музин во корист на албанските демократи за време на ланските јунски парламентарни избори.
Демократскот лидер Љуљзим Баша веднаш ги демантираше ваквите информации, тврдејќи дека не ја познава спомената компанијата.
- Руската опасност доаѓа од Рама. Ова што го прави не е ништо друго, тука обид да се отргне вниманието на јавноста од катастрофалното владеење на Владата, рече Баша.
Инаку, „руска салата“, како што уште го нарекува Рама овој случај, според телевизијата Топ чанел, стана аргумент со кој власта се обидува да ја оцрни опозицијата.
Ново на Сител
-
Шаќири: Се разгледуваат сите начини за учебната година да заврши на 10 јуни
-
Дојавите за бомби во белградските училишта ќе бидат окарактеризирани како терористички акт
-
Сали: Состојбата со Ковид-19 стабилна, постојните мерки треба да останат
-
176 нови случаи на Ковид-19 во земјава, починати се 2 лица
-
Милошоски: Пцостите на спикерот се досега најтешка повреда на Етичкиот кодекс
-
Мицкоски: ИК на ВМРО-ДПМНЕ вечерва ќе одлучува за следните чекори на партијата во однос на активната болкада
-
РКЕ: Бензините поскапуваат, а дизелот поевтинува
-
Мицкоски: Ковачевски да се охрабри и да договориме датум за избори