Рама ги демантира вестите за појава на коронавирус во Албанија
Аудио пораката на социјалните мрежи за појава на коронавирус во Албанија, што предизвика паника во земјата, ја демантираше албанскиот премиер Еди Рама преку статус на Фејсбук.
Шефот на албанската влада ги уверува албанските граѓани дека нема случај на коронавирус во Албанија.
-Истите болни умови, кои ве вознемирија со лажните вести во текот на долгите денови и ноќи по земјотресот се во акција. Не потклекнувајте на ваквите лажни вести. Коронавирусот не ја има погодено Албанија! Но, како и за целиот свет, постои потенцијална закана, за што се преземени сите мерки во случај ако треба да се соочиме, пишува Рама.
И министерката за здравство Огерта Манастирлиу смирува дека место за паника нема.
-До сега не е регистриран ниту еден случај на коронавирус во Албанија. Шесте сомнителни случаи во земјава, по анализите на Институтот за јавно здравје, се покажаа како негативни. Зголемени се мерките и контролите на сите гранични премини,каде само во текот на вчерашниот ден се контролрани повеќе од 4.500 патници,рече таа.
Додаде дека сите државни структури се подготвени да одговорат на обврските.
Претходно, лидерот на опозициската Демократска партија,Љуљзим Баша, загрижен од ситуацијата во соседна Италија, ја повика албанската влада да преземе итни мерки во земјата.
Баша смета дека на секој граничен премин и здравствена установа, без никакво одложување, треба да бидат екипирани со потребниот персонал и опремени со соодветна опрема за да ги идентификуваат и третираат навреме сите можни случаи.
Ново на Сител
-
Превртена приколка од камион го блокира патот Истибања – Македонска Каменица, сообраќајот во прекин
-
Во среда авионска дезинсекција против комарци во Скопје
-
Град Скопје: Власта го политизира наместо да го осуди случајот со физичкиот напад врз градоначалничката Арсовска
-
Формиран Кризен штаб за заштита од пожари во Македонска Каменица
-
Украинските ученици наскоро ќе учат да летаат со ФПВ дронови како дел од ажурираната наставна програма „Одбрана на Украина“
-
Исчезна руски воен хеликоптер со пет лица
-
Кривична за кавадарчанец за шест дела „тешка кражба“ и две за „тешка кражба во обид“
-
Сузбиена организирана криминална група инволвирана во криумчарење на мигранти, приведени шест лица