Ракописи со стихови на Дејвид Боуви одат на аукција, цена: 115.000 евра
Ракописи на Дејвид Боуви со стихови на две негови песни би можеле да достигнат цена од 115.000 евра на претстојното наддавање закажано за утре, соопшти аукциската куќа „Омега окшнс“ од Њутн-ле-Вилоус, Велика Британија.
Листовите хартија содржат нацрти, исправки и белешки на покојниот пејач од пишувањето на „Rock n’ Roll Suicide“ и „Suffragette City“. Тие две песни се дел од албумот „The Rise and Fall of Ziggy Stardust and the Spiders from Mars“ од 1972 година. На аукција пред извесно време се продаде страница од рачно напишаните стихови на Боуви на неговиот хит „Starman“ за повеќе од 190.000 евра.
Листовите со песните на Дејвид Боуви, се проценети на 57.000 до 115.000 евра. Боуви, инаку, почина од рак на црниот дроб на 69-годишна возраст во јануари 2016 година.
Наддавањето ќе вклучува и „песнарка“ што му пррипаѓала на Ноел Галагер од „Оазис“, и содржи стихови на „She’s Electric“, „Going Nowhere“, „Step Out Tonight“, „Rockin’ Chair“ и „Champagne Supernova“. Ќе се продава и страница со рачно напишани стихови од пејачот на „Дорс“ – Џим Морисон, како и гитари, засилувачи и ракописи од разни музичари.
Ново на Сител
-
Пред дуелот со Велс, македонските фудбалери ќе имаат контрола со Летонија
-
46-годишен маж од Скопје се удави во Дебарско Езеро
-
ЦУК: Активни шест пожари на отворено, еден е под контрола, а изгаснати се 21 пожари
-
Нетанјаху ги предупреди жителите на Газа веднаш да се евакуираат
-
Виландер: Синер е шампион, а Алкараз е суперѕвезда
-
Пет лица повредени во сообраќајка кај патот Маврово-Гостивар во која учествувале осум возила
-
Приведен 46-годишник, со огнено оружје се заканувал на пријавителот
-
35-годишна жена од Богданци физички нападната од нејзиниот сопруг во угостителски објект