Ракометарите на Веспрем триумфираа на Светско клупско првенство
Ракометарите на унгарски Веспрем се победници на 17. издание на Светското клупско ракометно првенство, откако синоќа во финалето во Каиро по продолженија го совладаа двократниот бранител на титулата Магдебург со 34-33.
Тоа е прва светска клупска титула за унгарскиот тим, а рекордер и натаму е Барселона со пет титули.
Финалето донесе одличен ракомет со многу резултатски пресврти и возбудувања.
Магдебург на полувремето имаше гол предност (14-13), а во вториот дел, унгарскиот тим во неколку наврати водеше со +4 (22-18, 23-19, 24-20). Германскиот тим, сепак, полека ја намалуваше негативата, израмнувајќи на 28-28 со голот на Лукаш Мертенс во самиот финиш.
Во продолжението Унгарците водеа со два разлика, 33-31, имаа и 34-32, а Магдебург успеа само да го намали резултатот на 34-33.
Унгарскиот тим до титулата го предводеа Фабрегас со девет и Ремили со осум голови.
Во германскиот тим најефикасни беа Омар Магнусон со седум и Албин Лагергрен со шест голови.
Во натпреварот за третото место египетски Ал Ахли ја победи Барселона со 32-29.
Ново на Сител
-
Божиновска: Владата прави напори да имаме мирна зима на енергетски план
-
Таравари со отчет за првите 100 дена: Лекари од приватното сакаат да се вратат во државното здравство
-
СДСМ: За 100 дена влада нула мерки и закочени субвенции
-
Еден затвореник ја чини државата 10 илјада евра годишно, како да се реши пренатрупаноста во затворите?
-
Зголемена потребата од негуватели
-
Преглед на вестите од светот
-
Пазарна казни 5 големи ланци на маркети
-
6 пријави за врсничко насилство годинава – Ќе воведат ли властите институционална соработка за справување со оваа појава?