Рахој: Референдумот за независност на Каталонија е потсмевање на демократијата
Нелегалниот референдум за независност на Каталонија претставува „потсмевање на суштината на демократијата“, изјави вечерва шпанскиот премиер Маријано Рахој.
Како што јави ДПА, Рахој оцени дека во Каталонија денеска немало гласање за независност на овој шпански автономен референдум.
- Реферндумот беше стратегија против законот и демократијата, додаде шпанскиот премиер, обвинувајќи ги каталонските регионални лидери дека го организирале референдумот, иако тој бил нелегитимен.
Рахој апелираше до регионалната Влада на Каталонија „да се откаже од патот, кој не води никаде“ и ги повика сите шпански парламентарни партии на средба на која ќе се разговара за иднината на Шпанија по денешниот референдум.
Тој истакна дека Каталонците биле измамени со денешното гласање, додавајќи оти мнозинството од жителите на Каталонија не сакале да учествуваат на референдумот.
Рахој воедно им се заблагодари на припадниците на националната полиција и на Цивилната гарда за нивните денешни акции во Каталонија, оценувајќи дека тие дејствувале „решително и мирно“.
Шпанската полиција денеска употреби гумени куршуми во обид да ги затвори гласачките места во Каталонија, каде илјадници луѓе излегоа да се изјаснат на референдумот за независност.
Во меѓувреме, шпанскиот министер за надворешни работи Алфонсо Дастис оцени дека полициските акции за попречување на референдумот „биле жални и непријатни, но соодветни“.
Тој оцени дека за насилството исклучиво се одговорни каталонските власти.
- Ако луѓето упорно не ги почитуваат законите и работат нешто што системски е прогласено за незаконско и неуставно, полицијата мора да го почитува законот, рече Дастис.
Каталонските власти вечерва соопштија дека според последните податоци, при полициските акции за попречување на референдумот се повредени најмалку 761 лице.
Во меѓу време, како и што беше најавено, гласачките места за референдумот беа затворени во 20 часот и започнато е пребројување на гласачките ливчиња,
Според локалните медиуми, купчињата од ливчиња на кои е заокружено „да“ за независна Каталонија се „многу поголеми“ од оние со „не“.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО