Радукану ангажираше нов тренер
Британската тенисерка Ема Радукану има нов тренер, откако ја прекина соработката со Ендрју Ричардсон по сензационалниот триумф на Ју Ес Опен во септември годинава.
Нов тренер на британската млада тениска ѕвезда е Торбен Белц, кој беше долгогодишен тренер на Германката Анжелик Кербер.
Радукану како причина за отказот на Ричардсон наведе дека и е потребен поискусен тренер, а изборот го сведе на 44-годишниот Белц, кој ја воведе Кербер меѓу десетте најдобри светски тенисерки пред да ја прекинат соработката во 2013 година. По тригодишна пауза, Кербер и Белц повторно почнаа да соработуваат, по што германската тенисерка ги освои Австралија Опен и Ју Ес Опен, стигна до финалето во Вимблдон, освои сребрен олимписки медал и се искачи на чело на ВТА листата. Соработката повторно ја прекинаа во 2017 година.
Радукану по триумфот на Ју Ес Опен доживеа рани елиминации на турнирите во Клуж и Индијан Велс.
Ново на Сител
-
ЦУК: Активни четири пожари, 15 изгаснати, еден ставен под контрола
-
Во Норвешка, речиси секој нов автомобил е електричен
-
Татко ми ме учеше на македонштина | Дамјан Стојановски | ПРОфесија | Sitel Podcast 104
-
Влада: Ќе се основа Мултифункционален научно-технолошки парк
-
Германската царина откри 1.500 тарантули криумчарени во колачи
-
Јавниот повик за прием на 400 пожарникари завршува во четврток, најдобрите ќе бидат дел од новата специјална единица на ДЗС
-
ЦУК: Активни шест пожари, изгаснати три
-
Алкалоид против Хановер во баражот за групната фаза во Лига Европа